WC19 – Sydney – Australia

Australien bilt mat Tasmanien an Nei Guinea en Kontinent. Virun 60.000-85.000 Joer hunn sech hei déi éischt Urawunner niddergelooss. Bis spéit am 16. Joerhonnert haten Si keen Kontakt mat aneren Vëlker an konnten sech ganz onofhängeg entwéckelen. Hier Kultur ass ganz eng mat der Natur verbonnen.

Am Joer 1770 huet den Kapitän Cook an der Bottany Bay geankert déi südlech vun der Bucht vun Sydney leit. Déi britesch Regierung huet dunn beschloss hei en Prisong ze grënnen an 1788 sinn éischt Schëffer mat Prisonéier ukomm. Se hunn sech an der Bucht vun Sydney niddergelooss an hei eng Kolonie gegrënnt.

Dorausser ass duerno d’Stad Sydney entstanen. Nach haut huet d’Stad en formidabelen Patrimoine vun viktorianeschen Gebaier déi ganz gutt erhalen sinn an sech ganz flott an déi modern Architektur vun der Stad afügen.

• 

• 

• 

• 

• 

Haut ass den Hafen vun Sydney natierlech déi Haaptattraktioun mat der Oper an der Harbour Bridge.

• 

• 

• 

Mir kommen Nuets an der Bucht vun Sydney un, wëll en medezineschen Noutfall un Bord ass deen esou séier wei méiglech muss an eng Klinik. Mir ankeren an der Bucht bis den aneren Dag an ginn mat Tenderbooter an den Hafen bruecht.

D’Oper vun Sydney ass vum däneschen Architekt Jørn Utzon an gouf tëschen 1958 an 1973 gebaut. Seng baussen Haut besteet aus Plättercher (glaséierter an onglaséierter an verschidden Farwten) déi dat typescht Grätenmuster ausmaachen. Den groussen Konzertsall huet Platz fir 2600 Leit an ass impressionnant. Den Opersall selwer huet 1547 Platzen an deelt sech den Sall mam Ballet.

• 

• 

• 

• 

D’Harbour Bridge gouf tëschen 1923 an 1932 gebaut an war vun Ufank un een Wouerzeechen vun der Stad. Se ass den 19 Mäerz 1932 ageweit ginn- an fir hiren 87 Gebuertsdag klammen mir dann erop ob den Haaptbou fir déi super Vue ze genéissen.

• 

• 

• 

• 

Den Royal Botanical Garden vun Sydney ass eng 30 Hektar grouss Gréngfläch direkt nieft der Oper deen bis an den Zentrum vun der Stad geet- mat Joerhonnert alen Beem an enger Partie interessanter Awunner dei sech fräi hei tummelen. Hei sinn och nach déi éischt Felder déi d’Kolonisten probéiert hunn unzebauen.

• 

• 

• 

• 

• 

Am botaneschen Gaart ass och eng interessant Ausstellung iwwert d’Kolonialisatioun vun der Géigend – déi awer ob all Australesch Aborigines zoutrefft. Den éischten Kontakt war katastrophal an bannen engem Joer waren 90% vun den Urbewunner am Raum Sydney duerch Pocken deziméiert. Duerno sinn se marginaliséiert ginn duerch d’Europäer an eréischt 1967 ass déi australesch Konstitutioun esou geännert ginn dat d’ Aborigines déi selwecht Rechter kruten ewéi d’ Australesch Bierger. 2014 eréischt huet déi australesch Regierung sech entschëllegt bei den Aborigines fir dat wat se hinnen alles ugedoen huet.

• 

• 

• 

• 

• 

• 

Bondi Beach leit um Mier – net an der Bucht – an duerfir profitéieren d’Surfer vun den heigen Wellen . D’Bucht ass mat engem Netz virun den Haien geschützt ma et kennt awer heiansdo zu engem Tëschefall. Mir kréien gesot dat wär ewéi mat den Beien- mir géifen jo och nach eraus goen obwuel Beien do wären dei een picken kennten. 🤷‍♂️

• 

• 

• 

Owes hunn mir natierlech déi Vue vun eisem Zëmmer ..besser geet et net.

• 

• 

• 

Next Etapp: Melbourne – Australien

Distanz Sydney – Melbourne : 555 Seiméilen + 1 Seidaag