WC19 – Philipsburg – Sint Maarten

This post is part of a series called Worldcruise 2019

17.01.2019 – 24° C ⛅

Sint Maarten ass déi éischt Karibesch Insel déi mir usteieren. D’Insel ass hallef hollänneschen Territoire an hallef franséischen Territoire. Ob der franséischer Säit , ob enger klenger Insel nieft Saint-Martin ass den Johnny Holliday begruewen.

Moies frei wou mir ukommen erliewen mer déi éischten Kéier den Ballet vun den Croisièresschëffer ob dëser beléiften Destinatioun. Graf gerechent koumen mir zu 11000 Persounen ob der Insel un. Döi ganz Inselen liewen nëmmen vum Tourismus an den Croisieristen – déi sech awer séier verlafen.

Mir erfëllen eis en klengen Dram an fueren mat original America’s Cup Yachten (12m) eraus fir eng Regatta. Mir sinn zu 10 um Boot an fueren mam TRUE NORTH géint dem legendären STARS AND STRIPES. Natierlech wannen mer – mat esou enger staarker Equipe :-). Et ass en Erliefnis an der Bucht vun Philipsburg ze seegelen mat esou geschichtsträchtegen Yachten.

HERE’S TO YOU & HERE’S TO ME,
FAIR WINDS & FOLLOWING SEA.
MAY YOUR BOAT BE FAST
& THE RUM FLOW FREE,
WE DRINK TO VICTORY
12meterregatta

Mettes geet et ze Fouss duerch Philipsburg mat sengen typeschem kolonialen Styl an karibeschem Flair

Sint Maarten ass eng vun den Inselen déi vum Hurrikan Irma am September 2017 ganz schlëmm betraff war. 90% vun allen Haiser waren zerstéiert. Nach elo ass laang net alles opgebaut- an fir d’Awunner gëtt et en virun Irma- an en duerno – wou näischt méi ass wéi et war. Et gesäit een iwwerall nach Ruinen déi net méi opgebaut ginn sinn.D’Fourrière wou se alles entsuergt hunn ass knapps en Kilometer vum Zentrum ewech – an et gesäit een Autoen, Schëffer etc openeen getiermt.