WC19 – Panamakanal – Panama

This post is part of a series called Worldcruise 2019

25/26. 01. 2019 – 27 °C ⛅

Den Panamakanal verbënnt den Atlanteschen Ozean mat dem Pazifeschen Ozean ob enger Längt vun 82 km.

1880 Hunn d’Fransousen als éischt probéiert en Waasserwee tëscht den 2 Mieren ze bauen. Si scheiteren finanziell an um mënschlechen Plang, wëll se dat tropescht Klima ënnerschätzen an ganz vill Leit un tropeschen Krankheeten stierwen.

1903 ass Panama onofhängeg ginn an huet mat den Amerikaner en Kontrakt fir den Kanal geschloss – Kanal deen den 15.08.1914 duerch d’Dampschëff ANCON ageweit ginn ass. Bis den 31 .12.1999 huet Amerika den Kanal verwalt.

Zanter dem 31.12.1999 suergt Panama fir Fonctionnement, den Entretien an d’Vergréisserung an d’Modernisatioun vum Kanal

Mir leen den 25.01.2019 zu Colon un an ginn déi nei Schleisen vun Agua Clara kucken. Tëscht 2007 an 2016 ass den Kanal vergréissert ginn andeems ob all Säit nei Schleisen gebaut ginn sinn fir den neien groussen Schëffer gerecht ze ginn. (Panamamax genannt)

Den 26.01.2019 Moies um 6.30 ass et dann un eis. Mir brauchen ongeféier 10 Stonnen fir déi ganz Duerchfaart. Déi ganzen Passage ass en Lotsen un Bord deen den Kommando huet. Et ass déi eenzeg Platz ob der Welt wou den Kapitän net Meeschter vum Schëff ass – ma den Lotsen déi ganz Verantwortung dréit. Eist Schëff huet nach den Gabarit (ob 1 cm) fir duerch déi al Schleisen ze fueren wou mer mat elektreschen Zuchmaschinnen duerch gezunn ginn.

D’Schleis vun Gatun huet 3 Kummeren vun 304,8 m laang, 33,5 m breet an 25,9 m déif. Mir ginn 28,3 Meter iwwert den Mieresniveau gehuewen fir an den Gatunséi ze kommen. Et bleift net méi vill Platz an der Schleis wa mir bis dran sinn.

Duerno geet et iwwert den Gatunséi bis an d’Pedro Miguel an Mirafloresschleisen wou mer dann erëm ob den Niveau vum Pazifeschen Ozean erofgeschleist ginn.

Den Ofschloss ass dann d’Bridge of the Americas déi eis an den Pazifeschen Ozean entléisst – mat enger super Vue ob Panamacity an den Biomusee vum Frank Gehry. Zu Panamacity war déi 2 Deeg den Poopst ob Besuch fir den Weltjugenddag- et war anscheinend Ausnamezoustand an Grond firwat mir net ob Pananmacity gefuer sinn. .