WC19 – Bay of Islands – New Zealand

Neiséiland ass eréischt tëschen 1250 an 1300 vun Polynesier besidelt ginn. Doraus huet sech d’Maori Kultur entwéckelt. Eréischt 1642 sinn d’Inselen vun dem Hollänner Abel Tasman entdeckt ginn. Den éischten Kontakt mat den Urbewunner ass awer net gutt ausgaangen an eréischt 1769 huet den James Cook d’Inselen kartographéiert an duerno sinn déi éischt Missionaren an Siidler geschéckt ginn.

Nodeems d’Europäer dunn d’Inselen mat hirem Räichtum am Waasser an un Land entdeckt haten hunn d’Maori am Joer 1835 d’Englänner fir Protektioun gefrot. Am Joer 1840 gouf dunn den Traité vun Waitangi ënnerschriwwen, deen eigentlech d’Grënnung vun Neiséiland bedeit huet. Haut ass Neiséiland eng konstitutionell Monarchie mat engem demokratesch gewielten Parlament an d’Queen Elizabeth II ass Kinnigin vum Neiséiland.

Dës wichteg Etappen vun der Geschicht vun Neiséiland hunn sech all an der Bay of Islands -mat sengen 144 Inselen – dem nërdlechsten Deel vun Neiséiland ofgespillt.

 

Mir ginn Moies frei vun Delfinen begréisst déi kucken kommen wou mer ankeren.

• 

• 

Haut ass d’Bay of Islands eng vun den beléiftsten Touristendestinatiounen an vill Neiséilänner hunn hei Summerresidenzen um Waasser.

Mir maachen en Tour mat engem klengen Schëff duerch d’Bay- an kréien derbäi och nach wonnerbar gekacht.

• 

• 

• 

• 

• 

Russell ass eng vun den éischten Siidlungen an Neiséiland – en  klengt historescht Duerf mat der eelster Kierch aus dem Land an Beem déi deels em 1850 geplanzt ginn sinn. Et huet säin viktorianeschen Charme bis haut net verluer.

• 

• 

• 

• 

• 

Den Musee um Waitangi Treaty Grounds erkläert ganz gutt wei den ëmstriddenen Traité vun Waitangi zustanen komm ass- an wat d’Konsequenzen fir d’Maori waren – an nach sinn. 

• 

• 

• 

Och iwwert d’Maori Kultur kréien mer en éischten Androck:

• 

• 

• 

En Holzschnetzer bei der Aarbecht. 

• 

• 

 

Den weltlängsten Maori Krichskanu ass 35m laang an brauch ob d’mannst 76 Paddeler fir en sécher um Waasser ze manövréieren. Dess Kanu’en ginn aus den Maori hiren hellegen Beem den Kauri gehaen. All Joer ob hirem Nationalfeierdag ginn se an d’Waasser gelooss fir eng symbolesch Regatta.

 

• 

• 

• 

😍 The Bay of Islands ass sécher eng Destinatioun wou mir nach gären eng Kéier erëm kommen fir méi Zäit ze verbréngen – ma dat ass fir ganz Neiséiland den Fall – an dat huelen mer och fest fir ….mir kommen erëm mat Camper an vill Zäit. 😍

Next Etapp: Auckland – Néiseeland

Distanz : Bay of Islands – Auckland : 148 Séimeilen